CK-12 + საქართველო

CK-12-ის რესურსები ქართულ ენაზე ხელმისაწვდომი გახდა CK-12-ის ფონდის, განათლების კოალიციისა და გაეროს ბავშვთა ფონდის ერთობლივი ინიციატივითა და ძალისხმევით.

მხარეებს შორის თანამშრომლობა მიზნად ისახავს ქართულ ენაზე ღია საგანმანათლებლო ელექტრონული რესურსების ხელმისაწვდომობის გაზრდას და დისტანციური სწავლების პროცესის მხარდაჭერას. ინიციატივა ხორციელდება საქართველოს განათლების და მეცნიერების სამინისტროსთან კოორდინაციით.

პროექტის ფარგლებში VII-XI კლასის მოსწავლეებისთვის ქართულ ენაზე ითარგმნა და ადაპტირდება მათემატიკის, ფიზიკის, ბიოლოგის და ქიმიის ელექტრონული სახელმძღვანელოები. მოსწავლეებს დისტანციურად შეუძლიათ მოიძიონ სასურველი თემა, გადაიმეორონ განვლილი მასალა და ისწავლონ ახალი.

საერთაშორისო საგანმანათლებლო პლატფორმის CK-12 შესახებ:

CK-12 წარმოადგენს საერთაშორისო საგანმანათლებლო პლატფორმას რომლის მიზანია ხარისხიან განათლებაზე ხელმისაწვდომობის გაზრდა ციფრული რესურსების საშუალებით.

www.ck-12.org პლატფორმაზე განთავსებულია სახელმძღვანელოები და დამხმარე რესურსები მეტწილად STEM-ის მიმართულებით. ბოლო რამდენიმე წლის განმავლობაში 137 მილიონზე მეტმა სტუდენტმა და მასწავლებელმა გამოიყენა CK-12 რესურსები მთელი მსოფლიოს მასშტაბით. მათ შორის ციფრული წიგნები, ადაპტაციური პრაქტიკული სავარჯიშოები, სამეცნიერო სიმულაციები. შეიქმნა 260 000-ზე მეტი ე.წ. „ფლექს ბუქი“. პანდემიის პერიოდში ვებგვერდით სარგებლობა 480 პროცენტით გაიზარდა. 

მათემატიკა

საერთაშორისო საგანმანათლებლო პლატფორმა ck-12